ரஜினி முதல் சம்பளம் எவ்வளவு தெரியுமா?

தென்னிந்திய பிரபல நடிகர் ரஜினி ஹீரோவாக நடித்த முதல் படத்தின் சம்பளம் குறித்த தகவல்கள் வெளியாகியுள்ளன.

நடிகர் ரஜினி 1975-ல் அபூர்வ ராகங்களில் அறிமுகமான பிறகு மூன்று முடிச்சு, அவர்கள், கவிக்குயில், ரகுபதி ராகவ ராஜாராம், புவனா ஒரு கேள்விக்குறி, 16 வயதினிலே, ஆடு புலி ஆட்டம், காயத்ரி, ஆறு புஷ்பங்கள், சங்கர் சலீம், சைமன், ஆயிரம் ஜென்மங்கள், மாங்குடி மைனர் என 1978 வரை 2-ஆம் நாயகனாகவும், வில்லனாகவும் நடித்தார்.

1977-ம் ஆண்டு இறுதியில் கதாசிரியர் கலைஞானம் படம் தயாரிப்பதற்கென்று விஸ்வரூபம் என்ற கதையை எழுதினார்.

கலைஞானம் கதையை தயார் செய்து, ரஜினியை ஹீரோவாக நடிக்க வைப்பது என முடிவு செய்தார். ரஜினி கதாநாயகனாக நடிக்கும் முதல் படம் இது.

அப்போது ரஜினி ராயப்பேட்டையில் உள்ள தனது நண்பர்கள் விட்டல் மற்றும் முரளியுடன் தங்கியிருந்தார்.

இந்நிலையில் காலை நேரம் அவரை சந்தித்த கலைஞானம், தான் தயாரிக்கும் படத்தில் ரஜினி ஹீரோவாக நடிக்க வேண்டும் என்று சொன்னதை ரஜினியால் நம்ப முடியவில்லை.

இரண்டாவது நாயகனாக பத்தாயிரத்துக்கும் குறைவாகவே ரஜினி சம்பளம் வாங்கிக் கொண்டிருந்தார்.

மேலும் ஹீரோ என்பதால் ஐம்பதாயிரம் ரூபாய் சம்பளம், ஐந்தாயிரம் அட்வான்ஸ் என்று கலைஞானம் சொல்ல, அடுத்த நிமிடமே ரஜினி ஓகே சொல்கிறார்.