பொலிஸ் நிலைய வாகனத்தின் மீது தாக்குதல் நடத்திய நபர் கைது

வவுனியா - புளியங்குளம் பொலிஸ் நிலைய வாகனத்தின் மீது தாக்குதல் நடத்திய நபர் ஒருவரை பொலிஸார் கைது செய்துள்ளனர்.

இந்த கைது நடவடிக்கை நேற்று (01.02.2024) முன்னெடுக்கப்பட்டுள்ளது.

சந்தேகநபர் ஒருவரை கைது செய்வதற்காக பொலிஸார் வாகனத்தில் சென்றுள்ளனர்.

இதன்போது  குறித்த வாகனத்தின் மீது வீதியில் நின்ற நபர் ஒருவரினால் தாக்குதல் மேற்கொள்ளப்பட்டுள்ளதாக தெரியவருகிறது. 

இந்நிலையில் குறித்த நபரை புளியங்குளம் பொலிஸார் கைது செய்துள்ளனர்.

கைது செய்யப்பட்டவரை மேலதிக விசாரணைகளின் பின் வவுனியா மாவட்ட நீதிவான் நீதிமன்றில் முற்படுத்துவதற்குரிய நடவடிக்கையினை பொலிஸார் முன்னெடுத்து வருகின்றனர்.