கிளிநொச்சியிலிருந்து முன்னெடுக்கப்பட்ட போராட்டத்தின் மீது நீர்த்தாரை பிரயோகம்

கிளிநொச்சி - இரணைமடு சந்தியிலிருந்து முன்னெடுக்கப்பட்ட போராட்ட பேரணி மீது நீர்த்தாரை மற்றும் கண்ணீர்புகை பிரயோகம் இடம்பெற்றுள்ளது.

இலங்கையின் 76 வது சுதந்திர தினத்துக்கு எதிர்ப்பு தெரிவித்து இந்த போராட்டம் நடத்தப்பட்டுள்ளது.

இதன்போது ஆர்ப்பாட்டத்தில் ஈடுபட்டவர்கள் போக்குவரத்துக்கு இடையூறு விளைவித்தமையால் நீர்த்தாரை மற்றும் கண்ணீர்புகை பிரயோகம் நடத்தப்பட்டுள்ளது.

குறித்த போராட்டமானது யாழ்ப்பாண பல்கலைகழக மாணவர் ஒன்றித்தின் ஏற்பாட்டில் முன்னெடுக்கப்பட்ட நிலையில் பொதுமக்கள் மற்றும் சிவில் அமைப்பினர் உள்ளிட்ட பலர் இதன்போது கலந்து கொண்டிருந்தனர்.